Mikroekonomia ikasgaian txertatu da, eta merkatuari, enpresari, kontsumitzaileari eta abarri lotutako kontzeptuekin batera, beste zenbait alor landu dira: finantza etiko eta solidarioen irizpideak eta balioak, nahiz horiek GIHetan eta 2030 Agendan duten eragina. Proposamenaren bidez, kontzeptuak ezagutu eta erlazionatu dituzte ikasleek: merkatu soziala, kontsumo arduratsua, banku etikoa eta eragin soziala, adibidez. Hala, elementu kontzeptualak eta praktikoak barneratu dituzte, enpresa-egitasmoak planteatu behar dituztenean GIHren bati erantzuteko, irizpide etikoak eta sozialak nahiz ingurumen-irizpideak dituen finantzaketaren bidez.